3214/2023-2024

Dated Aizawl, the 4th January 2023: Vawiin khan Chief Minister Pu Lalduhoma chuan Union Minister of Road Transport & Highways, Pu Nitin Gadkari chu a chenna inah a hmu a. Mizoram kawngpui hrang hrang Ministry of Road Transport hnuaia thawhte chungchang sawi puiin chak zawka hmalak a duh thu a thlen.

Union Minister hian sumah harsatna a awm loh tur thu a lo hrilh a. Amaherawh chu Mizorama kawngpui siam hnaah pending tam tak a awm thin chu a ngaimawh thu a lo hrilh a ni. Chief Minister chuan a kaihhruai sawrkar thar chuan chak takin hma a la dawn a, an achievement pawh lo ena lo ngaihven turin a hrilh a ni.

Chief Minister hian NHIDCL in kawngpui an siamnaah environment an tihchhiat nasat thu Pu Nitin Gadkari hnenah hian a thlen bawk a. Tun hnuah chuan Environment ti chhe lo thei ang bera hna thawh an tum tur thu Union Minister hian a lo hrilh a ni.

Tun tuma Chief Minister in Delhi a sawrkar laipui thuneitute a dawrnaah hian a private Secretary bak official dang hruai a nei lova, vawiina Union Minister of Road Transport & Highways a tlawh tum hian Delhi lama lo cham mek Chief Secretary Dr. Renu Sharma, IAS, Delhi Mizoram House Resident Commissioner Pi Garima Gupta leh Pu Alex Chawngthu, Addl. RC ten an tawiawm a ni.