3215/2023-2024

Aizawl, the 4th January, 2024: Vawiin chawhma dar 11:00 khan PHE Minister Prof. Lalnilawma hovin a Office chamber-ah PHE Department hnuaia Senior Officer, Superintendenting Engineer leh a chunglamte meeting neih a ni.

PHE Minister Prof. Lalnilawma chuan PHED Officer-te hnen atangin Department hnathawh dan leh hmalak mekte uluk taka ngaihthlain hmalak zel dan turte a sawipui a. Meeting-ah hian khawpui leh thingtlanga tuilak dinhmunte zirchian a ni a. Jal Jeevan Mission (JJM) leh SBMG hnuaia hmalak tawhna hrang hrang leh hmachhawp awm mekte uluk taka sawiho niin, hmalak zel dan turte pawh ruahman a ni bawk.

Meeting-ah hian PHED Secretary Er. Lalhmingliani Hmar pawhin thu sawiin, a Department chan zingah PHE Department a tel chu lawmawm a tih thu a sawi a. Department hmasawn zel nana thahnemngai taka thawhpuiah Officer-te leh thawktu dangte a sawm nghal bawk.