3530/2024-2025
Dated Serchhip, 14th December, 2024: "Chief Minister's Bana Kaih District Innovative Challenge" hnuaiah Self Help Group, Primary Agricultural Cooperative Society te leh civil society hrang hrang (YMA, MHIP, MUP, adt.,) te tan hmasawnna rahbi project siama intihsiakna buatsaih a ni dawn a. Hemi chungchangah hian Serchhip DC chuan December 11, 2024 khan hriattirna a tichhuak a ni.
A dil duhte chuan an society emaw cluster emaw hmasawnna tur project siamin, Block Development Officer, Serchhip/E Lungdar RD Block hnenah Concept note leh budget estimate kimchang tak February ni 1, 2025 aia tlai lova theh lut tura ngen leh hriattir an ni a. Heng project te hi District Innovation Challenge Committee on CM Innovative Challenge hmaah presentation hmanga present tur a ni a, a titha pathum thlan an ni anga, heng thlan chuah project te hi Organising Committee/Planning & Programme Implementation Department hnenah theh luh a ni ang.
A hnuaia tarlante project siamnaah hi zawm ngei tur a ni.
1. Project chu khawtlang tana hmasawnna ruhrel pawimawh tak a ni tur a ni.
2. Project ah hian a peng hrang hrang belhbawm aiin project hlawm lian ngaih pawimawh tur a ni anga, leilung tichhe lo lam hawi ngaih pawimawh tur a ni.
3. Project hi khawchhung mipuite tana rei tak daiha, amaha in tung nung thei lam hawi a ni tur a ni.
4. Project tan hian ram mamawh a nih chuan, ram awl/hmun awl felfai sa a ni tur a ni.
5. Project thlante hi Planning and Programme Implementation Department shelf of project ah dah an ni ang.
Lawmman hi a hnuaia mi ang hian siam a ni anga. Concept note format hi Planning and Programme Implementation Department in an duan hunah thehdarh leh a ni ang.
1st Rank = Rs. 2,00,000
2nd Rank = Rs. 1,00,000
3rd Rank = Rs. 50,000
