4827/2024-2025

Aizawl dated 26th March 2025: Vawiin khan Vanapa Hall-ah Planning & Programme Implementation Department bultumin Chief Minister Bana Kaih Innovation Challenge peng pakhat Local Immersion Programme for Higher Educational Institutes kalpuina 'HEI Sustainability Pitch for Progress' neih a ni a. Dr. Vanlalthlana, Hon’ble Minister, Higher & Technical Education Department chuan khuallian niin a hmanpui.

Local Immersion Programme hi Sustainable Development Goals (SDGs) lam hawi a kalpui a ni a. SDG chungchang hriatna zau zawk zirlaite leh Mizoram mipuite’n an neih theih nana buatsaih a ni. He Programme hnuaiah hian Mizoram chhunga college zawng zawngte sawm niin, district tina khaw hrang hrangah zirlaite zan riaka kalin, an khaw kalnate’n harsatna an tawhte leh mamawhte zirchiangin, chung an harsatnate chu chhawk zangkhai theih dan leh an hmasawn zel theih dan tur an ngaihtuahsak dawn a ni. Zirlaite thiamna leh finna hi ram leh  khawtlang hmasawnna tluantling thlentu a nih theih nan he Local Immersion Programme hi duan a ni a. HEI Sustainability Pitch for Progress hi ni hnih (2) chhung hman tur a ni a. Vawin March 26, 2025 hian Aizawl district chhunga college telte’n pitching-na hun hman a ni a, college 12 an tel a ni. Judge atan hian heng mite hi ruat an ni :

Pu Pramit Dash, Programme Director, NITI Aayog

Pi Chingthanmawi Guite, Adviser-cum-Joint Secretary, Planning and Programme Implementation Department, Government of Mizoram

Pu David Lalchamreia, Member, Mizoram State Planning Board

Pu Rinzuala, Chief Executive Officer, Mizoram Startup Mission, Government of Mizoram

Pi Pankaja Borah, General Manager, National Bank for Agriculture and Rural Development (NABARD), Aizawl

Pu John Borgoyary, Regional head, UNDP North-East Regional Office