4828/2024-2025

Khawzawl, dated 26th March 2025: Vawiin chawhma dar 11:00 khan DC Meeting Hall-ah naupang enkawlna hmun, Child Care Institution (CCI) te endik tura din, District Level Inspection Committee (DLIC) te chu an thukhawm a, Addl. DC leh DLIC Chairman ni bawk, Pu Lalfakzuala'n a kaihruai a ni.

He hunah hian District Child Protection Office (DCPO) atangin Pi C. Lalhmingsangi, Protection Officer chuan meeting sawi hawnna a nei a, DLIC din chhante leh an hna hrang hrang te a tarlang a, hursualna leh hleilenna hrang hrang lo tawk tawh naupang te tana tanpuina awm thei hrang hrangte a sawifiah a, Khawzawl a CCI te, counsellor te leh facility awm hrang hrang te sawi lan a ni bawk. Inspection (endikna) neih hun atana criteria tur hrang hrang sawi ho bawk a ni. 

Chairman Pu Lalfakzuala chuan DLIC thutkhawmna rawn tel thei te hnenah lawmthu a sawi a, naupangte an hima an lo hrisel leh thlamuan zawk nana thawk tur an ni tih hre reng chunga theihtawp chhuaha thawk turin a fuih bawk a ni.

He thutkhawmna neih zawh hian DLIC chuan Home pathum (3) - Observation Home, Exodus Boys' Home leh Little Wood Girls' Home te an tlawh a, thawktute nen inkawmna hun hmangin a hmunhma te, an hnathawh dan te leh an inenkawl dan te an endik a, naupang te nena inkawmna hun an hmang bawk a ni.

DLIC  hian Khawzawla Home hrang hrangte inspection hi quarterly (thla thum dan) in an nei thin a ni.