1912/2024-2025

Dated Aizawl, the 5th September, 2024: Vawiin khan CM Conference Hall ah Chief Minister's Office-a thawk non-gazetted staff te tan "Self Enhancement in the Workplace" training buatsaih a ni a. Pi Golda Dell Zohmangaihi, Core Faculty, ATI chuan zirtirna a nei.

Training hi Pu Lalrinawma Khiangte, PS to Chief Minister-in a hawng a. Chief Minister Office a thawktute chu thawktu bengvar leh nungchang mawi, hna thiam leh dawr nuam tak ni turin kan beisei tlat a. Chutiang mi ni tur chuan han intuaithar chang te neih a tha a, vawiinah intuaitharna hun kan buatsaih ta a ni. Office dawrtute tana harsatna a thlen loh nan staff te hi pawl hniha thenin vawiinah pawl khat ten training an nei ang a, naktukah pawl dangin an nei leh ang, tiin ruahmanna an siam dan a sawifiah a. Thawktute zawng zawng training vek tura an ruahman thu pawh a tarlang.

A hawnna inkhawm hi Pu K. Saitluanga, PIO to CM, Pu Henry Malsawmtluanga, Addl. PS to CM leh Pu Raymond Lalmuana, Office Superintendent ten an telpui a ni.