1911/2024-2025

Aizawl, 5.9.2024: EF&CC Department chuan Forester 15 leh Forest Guard 25 lak hna a kalpui mekah Walking Test neih mek a ni a. Tukin zing khan EF&CC Minister Pu Lalthansanga chuan Walking Test nei turte Salem veng, Mualpui Zero point atangin a vai liam.

EF&CC Minister chuan candidate-te chu an theihtawp chhuah tur leh dan zawm turin a chah a. An lo tling a nih pawhin rinawm taka thawk tur leh an tling lo palh anih pawhin beidawng lova tang sauh turin a chah a ni.

Walking test atan hian darkar 4 chhungin mipa in 25 Km leh hmeichhia in 14 Km an thlen hman a ngai a. Kawng lakah check point engemaw zat awmin check point-ah in report a, coupon lak vek tur a ni. Kawng lakah dan phalloh ti an awm leh awm loh thlithlai tur bakah harsatna neite pui turin Patrolling Duty an awm reng bakah doctor leh nurse duty-te dah an ni bawk. Walking Test hi 3.9.2024 atang khan neih tan niin vawiin hi a ni thumna a ni a, ni li chhung neih tura ruahman niin candidate sangthum chuang an awm a ni.

Attachment

  • Loading attachment...