No.2079/2020-2020

June 16th, 2020: Chief Minister's Relief Fund a sum lut leh a hmanna chungchangah a hnuai a mi ang hian Chief Minister's Office chuan thuchhuah a siam:

Tunlaiin COVID-19 hrileng avanga khawvel pum in buaina a tawh karah Mizoramah pawh he natna laka mipui kan him tlan theihna turin theihtawp chhuah a hmalak mek zel a ni a. Mipui leh sorkar lungrual taka thawk hovin, mahni theihna zawn theuhva theihtawp chhuah thin a ni. COVID-19 avanga harsatna tawkte leh a tul ang zela hman turin Chief Minister’s Relief Fund chu Covid fund atan ruahman a ni a. He fund-ah hian mimal, pawl, kohhran, sorkar department atang tein nitin sum hmuh thin a ni a. Sum chhunluh dan hi mipui hriattur in press release siam a tarchhuah a nih thin bakah, a khat tawkin Chief Minister’s Office chuan sum lut zat leh hmanna kimchang taka khaihawmna Notification a chhuah thin bawk.

Tun hnaiah chanchinbu leh social media platform thenkhata Chief Minister’s Office in CM Relief Fund a sum hmuhna leh hmanna dil a nih hnu a pe chhuak duhlo anga sawina a awm a. Hengte hi thu belhchiandawllo niin, Chief Minister’s Office hian CM Relief Fund chungchangah zawhna lehkha dawn chhanloh a neilo a. CM Relief Fund a sum hmuh leh hmanna te hi Minister leh MLA te hnenah pek thin a nih mai bakah mipui hriattur a tarchhuah ziah thin a ni.