No.2078/2020-2020

Mamit 16th June, 2020 : Vawiin khan Women and Child Development hnuaia One Stop Centre, Social Welfare Department-te chuan Mamit khawpui chhunga Quarantine Centre, Covid Care Centre leh Dedicated Covid Health Centre-a awm hmeichhiate hman atan Sanitary Pads 128 chu Dr Lalrozama, IAS District Bawrhsap hnenah an hlan.

District Bawrhsap chuan Covid-19 hrileng meka rampawn atanga tangkhang hruai hawte leh he natna kai hmeichhiate'n an mamawh leh tangkai tak tur Sanitary Pads petu One Stop Centre, Mamit-a thawkte chungah lawmthu a sawi a ni

One Stop Centre-Mamit hi Hmeichhia hleilenna chi hrang hrang tuarte'n rikrum thilahte vanduaina an tawh emaw harsatna an tawh huna an tlanluhna tur leh an inhumhim lailawkna tur atana din a ni.