4010/2023-2024

Aizawl, the 29th February 2024: Pi Mariamma Thomas, Chief Postmaster General, North East Postal Circle chuan vawiin khan Raj Bhavan-ah Governor Dr Hari Babu Kambhampati a hmu.

Pi Mariamma Thomas chuan Governor hnenah hian state chhunga postal service tihchangtlunna tura hmalakna hrang hrang awm mekte chu tawi te tein a sawifiah a. An hmalakna kawng ṭhenkhatah Governor thlawpna a dil bawk.

Post Master General-in Briefing a neih zawh hnu hian Governor chuan State mipui tana rawngbawlna pawimawh tak tak thawktu, a bik takin thingtlang khua te tana tangkai tak, Postal Department-te chungah lawmthu a sawi a. Governor chuan tuna Speed Post-a service chu ennawna, siamthat ngai niin a sawi a. He service pawimawh tak hi tih hmasawn dan dap turin Postal Department hotute chu a chah a. Postal facilities kaltlanga mipuiin an chhawr theih tura centrally sponsored scheme hrang hrang awm mek te chu beneficiary ten an lo hriat theih nan awareness campaign nasa zawka kalpui turin a fuih. Thingtlang lama postal banking service la awm lohna hmun tlem te Mizoramah a la awm thu sawiin hengah te hian postal banking kalpui thuai a ngai tih a sawi bawk a ni.

He courtesy meeting-ah hian Aizawl Head Post office-a  senior officer  pawh an tel a ni.