4011/2023-2024

LUNGLEI; the 29th, February, 2024: Vawiin chawhma khan Deputy Commisioner, Lunglei leh BDO, Lunglei te hmalaknain Self Help Group training te tan BP, Diabetes, Ka chhung, Hnute leh Chhulhmawr endikna BDO Office Conference Hall, Lungleiah kalpui a ni, hetah hian NP-NCD leh MMU Cell, CMO Office, Lunglei ten endik hna an kalpui a ni.

He hun hi Pi Lalvenhimi Ralte, BDO, Lunglei chuan kaihruaiin Dr. C. Lalrindiki, Cancer Specialist, Civil Hospital, Lunglei chuan Sorkar laipuiin Non-Communicable Disease(NCD) natna inkaichhawn theih loh chi nga thisensang, Zunthlum, Ka chhung Cancer, Hnute Cancer leh Chhulhmawr Cancer te hi a ngaipawimawh hle a, a chhan chu India ram pum ah heng natna te hi a hluar a, nunna tam tak a suat thu a sawi. Mizoram ah pawh heng natna te hi a hluar thu a sawi bawk.

Vawiina NCD endik hna hi Dr. C. Lalrindiki, Cancer Specialist leh a thawhpui ten SHG training lai member 19 leh BDO Staff engemawzat te hriselna an endik a ni.