No.3155/2019-2020
“COVID-19 avangin India ram hmun hrang hrang a zirna in khar a niin, Mizo Zirlai tarn tak rilru chiai takin an awm mek ani. He tih lai hianDt. 17.03.2020 tlai khan Whatsapp-ah, "Sswrkhar laipui Home Department Thu chhuak ang in hnam dang mah ni star ni lo a awm zawng zawng te chuan an mah ni awm na state theuh a date 27.3.2020 hma a haw vek tur in Thu chhuah a siam a Chu vang chuan state dang a Mizo awm te Chu Date 18.3.2020 tang an awm na state theuh a tang a Mizoram lam a haw tur a hriat tir an ni, Hun tiam chhung a lo haw lo Chu, non-mizo a puan an ni anga Mizoram an rap thei tawh lo ang.
Sd/-
Lalnunmawia Chuaungngo IAS
Chief Secretary of Mizoram government of Mizoram”
tih thu hi a darh a. Thu awihawm lo tak ni mahse a hunin a zir avangin state danga zirlai tam tak rilru a ti mangang a, hei vang hian Mizoram Police ten an chhui nghal a. He thuchhuah siamtu (Originator) hi hriatchhuah tawh a ni a. He dawt thu thehdarh avang hian Aizawl PS C/No. 7l79/2020 Dt. 18.03.2020 u/s 505 (1) (b) IPC R/W 66 'D' IT Act 2000 hmangin thubuai ziah luh a ni. He thu post leh thehdarh kawnga in hnamhnawihte hi hriatchhuah tawh niin Mizoram pawn lama awmte an awm a. Man tura ruahhmanna siam mek a ni.
He thu hi dawt phuahchawp liau liau a ni a, mipui ten thu tak a lak loh tur a ni. He thu phuahchawptu Siaha khua kum 19 mi, tuna St. Dominic College, Shillong a BA zirlai mek hi hriat chhuah tawh a ni a. A ni hian whatsapp group pakhat 'sent pic here' (FRIENDS GROUP) tih ah a post a. He group atang hian St. Dominic College a zirlai tho kum 19 mi in la chhawngin a thian pakhat kum 19 mi tho, Siaha ECM veng a cheng, tuna Chennai a awm mek hnenah a thawn a. A ni hian he thu hi 'MSO/CF Group' tihah a post chhawng leh a. Hemi group atang hian Siaha khua a cheng pakhatin 'ECM Kohhran group' leh 'Pala Group' ah post leh in hetiang hian he dawt thu hi zirlai zingah darh zelin state hrang hranga zirlai ten darkar reilo te chhungin an dawng hman in Mizoram lamah pawh a darh bawk. Zirlai leh nu leh pa tamtak rilru nuam lo in a siam hi a pawi tak zet a ni.
Mipuite tithlabar a, timangang thei thu post mai mai lo tur in mipuite kan ngen a. Hetiang thu diklo thehdarhtu hi Mizoram Police te chuan chhuichhuakin an man zel dawn a ni.
