2094/2023-2024

Aizawl, 1st October 2023: Sawrkar laipui ruahmanna angin vawiin October ni 1, 2023 chawhma dar 10 kha ram pumah darkar khat chhung Swachhata hi Seva hnatlang neih a ni a. Mizoramah pawh Chief Secretary Dr. Renu Sharma leh Aizawl DC Pi Nazuk Kumar hovin 2 (Lakhimpur) Battalion Assam Rifles te'n Lammual chhung leh Bara Bazar dung phei an tifai.

Sawrkar laipui chuan he faina hnatlang hi India Hnam Pa Mahatma Gandhi piancham zahna lantirna leh faina leh thianghlimna pawimawhna inhrilhriatna ni pah fawma buatsaih a ni a. Lammual a faina hnatlang hi Aizawl DC Office, UD&PA leh PHED tangkawpa buatsaih a ni.