2095/2023-2024

Aizawl, the 2^nd October 2023 : Vawiin hi India Hnam Pa tia koh leh hriat – Mahatma Gandhi a pianchamphaphak vawi 154-na a ni a. Hemi ni pualin tukin zing dar 7:30 AM khan Governor Dr. Haribabu Kambhampati leh Chief Minister Pu Zoramthanga ten PUC Campus ah Gandhi a lim a pangpar dahin zahna an lantir a ni. Home Minister Pu Lalchamliana; Minister dang – Pu R. Lalzirliana, Pu Lalruatkima leh Pu Robert Romawia Royte te pawh zahna lantir nan pangar an dah bawk a. Chief Secretary Dr. Renu Sharma leh Sawrkar hotulu dangte pawhin he hunah hian zahna an lantir bawk a ni.

Gandhi a piancham October ni 2 hi United Nations in kum 2005 khan International Day of Non-Violence ah a lo puang tawh nghe nghe a ni.

SBI, Main Branch a Gandhi lim dahna thin lai hi siamthat tumna a awm mek avangin, he lai hmun atangin a lim hi PUC Campus ah sawn lailawk a ni.