No.2281/2021-2022
Aizawl 20th September 2021: Vawiin khan Chief Secretary Pu Lalnunmawia Chuaungo hovin India Zalenna Champha 75-na lawmna kal mek Azadi Ka Amrit Mahotsav Mizoram sawrkarin a kalpui dante thlir ho a ni.

State Level Committee on Celebration of 75th Anniversary of India's Independence hi Chief Secretary Conference Hallah an thukhawm a. I-day champha lawmna hi kumin March thla khan ram pumah hman tan niin Mizoramah chuan 1st April 2021 khan chief Minister in Aizawl, Vanapa Hall-ah a hawng a. Hemi ni atanga vawiin ni thlengin Azadi Ka Amrit Mahotsav pual hian programme tum 12 neih tawh ani a. Nakum I-Day thleng awh turin programme 65 duan a ni.

Programme hrang hrangte hi Art & Culture, Higher & Technical Education, Information & Public Relations, Doordarshan leh AIR ten hma thar lain an buatsaih thin a. AIR leh DDK chuan tlai tin an programme chhungah Freedom Fighter te chanchin an puanzar thin bakah Quiz tepawh an buatsaih bawk a ni.

India zalenna lawmna kal mekah hian Chief Secretary chuan Deptt. tam zawk hma la tura hnuh luha mipuite chhawr tangkai theih tur zawnga programme duan tha a tih thu meetingah hian a sawi a ni.