No.2282/2021-2022
Aizawl, the 20th September, 2021: Vawiin chawhma khan District Level Standing Committee (DLSC), Champhai District chu District Election Officer Pi Maria C.T Zuali, District Bawrhsap ni bawk hovin DC Conference Hall-ah an thukhawm a, he hunah hian Polling Station thlakna Rationalisation of Polling Station leh January ni 1, 2022 qualifying date a hmanga Special Summary Revision of Photo Electoral Rolls, 2022 kalpui dan tur chungchangte ngaihtuahho a ni.

District Election Officer Pi Maria C.T Zuali chuan India ramin zalenna a hmuh hnuah mipui siam sawrkar democracy tundin niin, ngelnghet leh tha takin a kal zel a ni, a ti a. Democracy zawh kawnga pawimawh tak Electoral Rolls a inziahluh leh felfai taka vawnhim a pawimawh thu sawiin, Electoral Rolls dik leh felfai tak siam a nih theihna turin kalkhawmte chu thawhhopuiah a sawm a. Hun hlu tak senga District Level Standing Committee thutkhawm tel zawng zawngte chungah lawmthu a sawi bawk.

Pu Lalnunfela Chawngthu, Election Officer & ERO, 25-East Tuipui A/C chuan Special Summary Revision of Photo Electoral Rolls, 2022 kalpui dan tur chungchang leh Roll revision kalpui a nih hma atanga inpuahchahna hrang hrangte a sawifiah a. Kum hmasa Roll revision neihnaah Birth Certificate diklo leh a lemte District Research Office nena tangkawpa enfiah a nih thu leh, Birth Certificate lem siamchawp engemawzah man chhuahte lakah dan anga hmalak a nih thu a sawi a ni.

DLSC meeting-ah hian chhan hrang hrang avanga Polling Station sawn leh Polling Station hming thlak ngaite tarlan niin, rawtna leh zirchianna District Level Standing Committee hnena thehluhte ngun taka sawiho a nih hnuah Champhai District chhung Assembly Constituency 3; 23-Champhai North A/C, 24-Champhai South A/C leh 25-East Tuipui A/C atanga Polling Station Building sawn ngai panga (5), Polling Station Building hming thlak ngai rawtna siam pali (4) leh Polling Area tih dik ngai pahnih (2) te chu pawm a ni a. Polling Station Building thlak rawtna thlen 23-Champhai North A/C atangin 23/1-Selam Polling Station atana hman mek Govt. Primary School Building aiah Govt. Selam Middle School Building, 23/2-Vaikhawtlang Polling Station atana hman mek Govt. Middle School Building aiah Govt. Primary School Building leh 23/18-Ngur Polling Station atana hman mek Govt. Primary School aiah Govt. Middle School Building, 24-Champhai South A/C atangin 24/25-Dilkawn Polling Station atana hman mek Govt. Middle School Building aiah Govt. Primary School Building leh, 25-East Tuipui A/C atangin 25/7-Bungzung Polling Station atana hman mek Govt. Primary School Building aiah Govt. Bungzung High School Building-te chu sawiho a nih hnuah pawm a ni.  

Polling Station Building hming leh Polling Area thlak tura rawtna lut pali (4) zinga 24-Champhai South A/C atanga rawtna lut pathum (3); 24/8-Electric Veng Polling Station, Govt. Middle School Building tih chu Champhai South HSS ti a thlak a ni a, 24/22-Zokhawthar-I Polling Station, Govt. Middle School Building tih chu Zokhawthar Middle School Building tih leh Polling Area pawh Zokhawthar West ti a thlak a nih bakah, 24/23-Zokhawthar-II Polling Station, Zokhawthar Secondary School Building Polling Area chu Zokhawthar East ti a thlak  a ni a. 25-East Tuipui A/C huamchhung  Vaphai VC Area-a awm 25/17-Saikhumphai Polling Station, 25/17-Vaphai-III Polling Station ti a thlak rawtna thlen chu pawm a ni bawk. Rawtnate hi Election Commission of India (ECI) pawmpui tura thawn a ni ang.

District Level Standing Committee (DLSC) thutkhawmah hian Special Summary Revision of Photo Electoral Rolls, 2022 kalpui chhoh turah kum hmasa aia nasain Birth Certificate, Voter’s ID leh document dang diklo leh a lem siam thin chhuichhuah kawngah tanlak tum a nih thu tarlan niin, District Election Office, District Research Office leh Police tangkawpin document lem leh diklo zawnchhuah beihpui an thlak tel dawn a, dan bawhchhia man chhuah an awm  a nih chuan an chungah dan anga hremna lekkawh zel a ni ang. 

Ruahman dan chuan November ni 1, 2021 hian Draft Electoral Rolls tlangzarh a ni ang a. 01.11.2021 atanga 30.11.2021 chhung hian dilna leh rawtna thlen hun hawn a ni ang a, hemi hun chhung hian remchan dan anga Special Campaign neih a ni bawk ang. December ni 20, 2021 atangin dilna leh rawtna thlente chinfel a ni ang a, database siamthat leh supplement chhutchhuahte tihfel a nih hnuah nakum January thla chhung hian Electoral Rolls thar ber tlangzarh tum a ni ang. 


District Level Standing Committee thutkhawmah hian Pu Henry C.Lalrawnkima, Addl. DC & ERO, 24-Champhai South A/C, Pu R.Lalnghakliana, PD, DRDA & ERO, 23-Champhai North A/C, AERO, District Official dangte, NGO leh Political party aiawh theuhte an tel a ni.

Attachment

  • Loading attachment...