3425/2024-2025

Champhai, 7th December 2024: Vawiin chawhnu khan Chief Secretary Pu Khilli Ram Meena kaihhruaiin DRDO Conference Hall, Keifangtlangah Champhai District-a sawrkar pisa hotute an ṭhukhawm.

He hunah hian Chief Secretary Pu Khilli Ram Meena chuan Champhai District-a sawrkar pisa hotute nen inkawmna hun ṭha tak an nei thei chu lawmawm a tih thu a sawi a. Champhai District chu hmun nuam tak a nih thu sawiin District pawhtu kawngpui ṭha tak an nei chu a lawmawm hle a ni, a ti a. Champhai mawina leh kawng ṭha te chuan mipuite hmasawnna leh nun awlsamna thlen se a duh thu a sawi bawk a ni.

Champhai Bawrhsap Pu VL Remliana chuan  Chief Secretary-in pisa a luah hnu hun reilo te a Champhai District a tlawh chu lawmthu a sawi a. Champhai District dinhmun hrang hrang te a sawifiah bawk.

He hunah hian Champhai District chhunga Handholding Policy kalpui dan te, Myanmar ramri chungchang te, bawlhhlawh sawngbawl dan (Solid Waste Management) te, African Swine Fever chungchang te, eng (electricity) chungchang te leh hriak atana sawr chi thlai chungchang te sawiho a ni.