3424/2024-2025

Champhai, 7th December 2024: Vawiin khan Chief Secretary Pu Khilli Ram Meena chuan Champhai District-a raltlante dahkhawmna hmun pahnih - Champhai Zote ITI Camp leh Bethel Camp, Zokhawthar a tlawh a. CS hian Indo-Myanmar ramri a tlawh bawk. 

Pu Khilli Ram Meena hi Champhai Bawrhsap Pu VL Remliana, Addl SP Pu PC Lalṭanpuia, sawrkar official dang te leh Sub Hqrs YMA hruaitu ten an ṭawiawm a. Sawrkar hotute leh tlawmngai pawl hruaitute hian Chief Secretary hnenah hian raltlan enkawlna kawnga an hmalakna hrang hrang leh harsatna an tawh te an hrilhfiah a. Champhai Zote ITI Camp-a awm mek te chu Sub  Headquarters YMA ruahmanna angin Champhai Zion Vengah sawn tum mek an nih thu an lo hrilh bawk a ni.

Chief Secretary hian raltlan zinga an hruaitute pawh a kawm a. An harsatna leh an dinhmun te a zawtfiah a ni.

Champhai Zote ITI Camp-ah hian tun dinhmunah raltlan mi 317 - puitling mipa 169, hmeichhia 62 leh naupang 86 an awm mek a. Bethel Camp, Zokhawtharah hian mi 399 - puitling mipa 110, hmeichhia 177 leh naupang 112 an awm mek a ni.

Vawiin tlai dar 04:00 hian Chief Secretary kaihhruaiin Champhai District-a sawrkar pisa hotulu te an ṭhukhawm dawn a. Ramri chungchang, Solid Waste Management leh Agriculture Department hmalakna te an sawiho ang.