India ram hmun dang te rualin vawiin khan Civil Services Day vawi 11-na chu ATI Auditorium, Aizawl ah hman a ni. He hunah hian Pu Lalmalsawma, IAS, Chief Secretary chu khuallian niin Mizoram sawrkar hnuaia Secretary te, Head of Department te, All India Service Officer te leh Mizoram Secretariat-a Joint Secretary leh a chunglam te an tel a ni. 

Khuallian Pu Lalmalsawma chuan Civil Services Day-ah hian sawrkar hnathawk (civil servants) te chu ram leh mipui tana thawk an ni tih inhre thar leh turin a fuih a. India Independence atangin sawrkar inrelbawlna kalphung nasa takin a inthlak danglam tawh a, digital governance era-ah sawrkar a zuang lut mek a, chuvangin mi tihdan tha best practices-te thlir liam mai lovin a tak a chantirtu nih zel tum tur a ni, a ti. Chief Secretary chuan sawrkar hnathawkte chu thuneihna sang tak kawltu an nih rualin thuneihna hman kawngah pawh sawrkar hnathawkte tana principles pawimawh heng Responsibility, Accountability leh Impartiality te theihnghilh ngai lo turin a fuih bawk. 

Vawiin Civil Services Day ah hian Officer pathum in anmahni thawhna hmun theuha thiltih that an neih midangte tan pawha entawn tlak “best practices” pathum an entir a, chungte chu: 

  1. “Innovative Initiatives under DC, Aizawl” by Pu Kannan Gopinathan, IAS, Deputy Commissioner, Aizawl District
  2. “Best practices in ICT” by Dr. Lalthlamuana, Chief Informatics Officer, ICT
  3. “DCSO, Lunglei Mobile Apps” by H. Lalrinpuia, MCS, DCSO, Lunglei. 

 Heng bakah hian kum 2015-16 chhunga Mizoram Sawrkar hnuaia Department hrang hrang leh District tin te’n an hnathawh that dan tehna Results Framework Document a titha Top Ten te hnenah Certificate of Appreciation hlan an ni bawk a, chung Department te chu an tih that dan indawt in: 

Final Rank

Name of Department

Final Achievement (Composite Score out of 100)
  1.  

Environment, Forests & Climate Change

93.07
  1.  

Cooperation

91.12
  1.  

Food, Civil Supplies & Consumer Affairs

90.70
  1.  

Taxation

89.52
  1.  

Horticulture

88.90
  1.  

Agriculture

86.81
  1.  

Health & Family Welfare

86.39
  1.  

Mizoram Home Guards

85.20
  1.  

DC, Mamit

85.11
  1.  

Planning & Prog. Implementation

82.93

 Civil Services Day 2017 lawmna pui ber New Delhi a neihah pawh Prime Ministers Award for Excellence in Public Administration hlanna neih niin Mizoram atangin Siaha District chuan he Award hi Pradhan Mantri Krishi Sinchayee Yojana (PMKSY) an thawh that avangin North East leh Hill States category-ah a dawng a, Siaha DC aiawhin Pu Arvind Ray, IAS, Principal Resident Commissioner in Prime Minister hnen atangin he Award hi a dawng ani. He Award hian Trophy, Scroll leh pawisa fai Rs 10 lakhs a keng tel a, Mizoram atanga he Award hlu tak dawng hmasa ber District an ni.

Attachment

  • Loading attachment...