Vawiin chawhnu khan Chief Secretary Pu Vanhela Pachuau hovin Secretariat Conference Hall-ah Mizoram sorkar hnuaia Head of Department ten Mizoram Value Added Tax Act, 2005 hnuaia ‘Tax Deduction at Source and Clearance Certificate’ zirhona hun an hmang.

MVAT Act, 2005 chuan sorkar hnuaia Department, zirna in, corporation leh Local Authority ten mipui sum (public money) hmanga sumdawng te hnenah bungrua an lei dawnin emaw an leina man sum an hlan dawnin sumdawng te hian Commissioner of Taxes pek chhuah Clearance Certificate, Form 38 an neih ngei ngei a phut tlat a. Chutiang bawkin Contractor te hnenah Contract hna thawh tur an pek chhuah dawna inremna an siam laiin Contractor te hian Clearance Certificate, Form 38 an nei ngei tur a ni a. Bill an lakchhuah dawnah Clearance Certificate, Form 36 an neih ngei a tul bawk a ni. Clearance Certificate neilo Contractor te chuan DDO hnenah an Bill lak zawng zawng atangin 2% an pek a tul a, DDO hian Certificate of Deduction, Form 39 of MVAT Act, 2005 pechhuakin Treasury-ah a dahlut ve thung ang.

Mizoram Taxation Department kaihhruai he zirhona ah hian Principal Secretary Pu RL Rinawma pawh a tel a. Commissioner of Taxes Pu Lalthangliana Varte chuan zirtirna pe in sawihona hun an hmang zui nghal a ni.