DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/nec-in-olympic-a-medal-late-hnenah-pawisa-fai-pe-p

NEC IN OLYMPIC A MEDAL LATE HNENAH PAWISA FAI PE

North Eastern Council Secretariat chuan Hmarchhak bial ah infiamna tih hmasawm nan, Hmarchhak bial atanga infiammi kumin Olympic Games a tel, Gold Medal latu hnenah lawmman cheng nuai 40; Silver Medal latu hnenah cheng nuai 20 leh Bronze Medal latu hnenah cheng nuai 10 te a pek tur thu a puang.

NEC hian tun hma lam khan Asian Games leh Commonwealth Games-a infiammi Gold, Silver leh Bronze Medal la te hnenah lawmman cheng nuai 10, nuai 5 leh nuai 3 zel in an lo hlan tawh. Jharkhand National Games a Medal la te hnenah ‘North Eastern Council Chairman’s Sports Award for Excellence’ hnuaia Hmarchhak bial infiammi te hnenah a za vaiin cheng vaibelchhe 7.82 a lo pe tawh bawk a ni. Hetah tang hian Arunachal Pradesh in cheng nuai 21; Assam in cheng nuai 146; Manipur in cheng nuai 556; Meghalaya in cheng nuai 10; Mizoram in cheng nuai 11; Nagaland in cheng nuai 18; Tripura in cheng nuai 15 leh Sikkim in cheng nuai 5 te an dawn a ni.