Vawiin chawhnu khan C.S.Conference Hall-ah Chief Secretary Pu Lalnunmawia Chuaungo hovin ram pum huapa hman tur ‘Fire Service Week’ chungchang rel a ni a. April Ni 14-20, 2019 chhung awh tur niin thupui atan ‘Fire Prevention is better than Fire Fighting’ (Kangmei laka inven hi kangmei thelh aiin a tha zawk) tih a ni.

Meeting chuan ‘Fire Service Week’ pualin school, college,  hospital leh mipui punkhawmna hmunah kangmei laka inven pawimawhzia zirtirna kalpui a nih thin tur thu a rel a. All India Radio kaltlangin zirtirna zau zawk neih ni se tiin a rel a. Shopping Complex hrang hrangah kangmei laka invenna atana hmalaknate endik a tul thu a rel bawk a ni.

Meeting-ah hian Home, School Education, LAD, DM&R, F&ES leh I&PR Department, Aizawl D.C, Aizawl S.P, AIR, Traffic SP, AMC, CYMA aiawhte an tel a ni.