Vawiin khan kumin Lok Sabha inthlan huna Duty tur Presiding Officer (PRO), Assistant Presiding Officer (APRO) leh Polling Officer (PO) te semrual thawhthumna leh tawp berna Third Randomisation chu District Election Officer Dr Naveen Aggarwal hovin NIC Conference Hall, DC Office-ah neih a ni.

Third Randomisation hmang hian inthlan ni a Polling Station a inthlan buaipuitu tur  Mipa 752 te chu  Polling Station tinah Computer khawl hmanga semrual a nih bakah Dingdi Polling Station 14 a duty tur Hmeichhia 64 te Manual a semrual a ni bawk. Ruahman dan chuan naktuk April Ni 10 hian inthlan duty tur ten an Polling Station an pan tawh dawn a ni.

Vawiin third Randomisation of Polling Official neihna ah hian District Election Official te leh Political party aiawhte an tel a ni.

Kumin Lok Sabha inthlan turah hian District chhunga Assembly Constituency tinah Hmeichhe hlang duty-na tur Polling Station  Dingdi ti a vuah a awm leh dawn a. Ruahman  dan chuan  Polling Station 27 awmna 21-Lengteng A/C,  Polling Station 26 awmna 22-Tuichang A/C,  Polling Station 30 awmna 23-Champhai North A/C  leh  Polling Station 25 awmna 25-Champhai South A/C-ah te Dingdi Polling Station 3 theuh awm tur a tih a ni a,  Polling Station 29 awmna 25-East Tuipui A/C-ah Dingdi Polling Station 2 a awm  dawn  a ni.