Kan hma lawka Mizoram a MP (Lok Sabha) Election leh MLA Bye-Election (Aizawl West-I) a neih turah hian Mizoram Police chuan Election Commission of India kaihhruaina angin venhimna lamah inbuatsaihna tha tak a kalpuiin a vawrtawp athleng mek a. District hrang hrang a SP ten kan hotupa ber Pu Balaji Srivastava, EPS DGP, Mizoram kaihhruaina hnuaiah venhimna lama ruahmanna felfai taka siamin tunah chuan District hrang hrangte inbuatsaihna zawhfel a ni tawh a. Heng ruahmanna te hi ECI leh Police Observer-ten an enfiah reng bawk a. Police Department leh security mi leh sa te atangin tihtur, duty hrang hrang, Static Surveillance Team, Flying Squad Team, Quick Response Team, Patrolling Team, Naka(Check-posts) leh Polling Station security te tih mek ani a. Election Notification chhuah anih atang khan India Constituion Article 324 angin Sorkar hnathawk leh Police-te pawh ECI hnuaia thawk kan ni a, ECI in ti tura min tih te tha taka hlen chhuah hi kan mawhphurhna-ani.

Nikum lama MLA Election kan neih tawhah leh tun tumah pawh Tlawmngai Pawl hrang hrang (NGO) leh Kohhran ten tha taka Sorkar Official, Police-te min thawhpui avangin boruak muanawm tak hnuaiah Inthlanpui kan lo nei tawh a. Tun tumah pawh tun thlengin boruak tha tak hnuaiah Inthlanpui inbuatsaihna a kal thei a, Inthlanpui muanawm leh felfai tak kan nei leh ang tih pawh kan beisei tlat ani. Tin, Bru-te tana Special Polling Station-te Kanhtnun, Mamit District-ah siam leh ani a, thlamuang tak leh felfai taka inthlanna kan neih leh ngei kan beisei
bawk ani.

He inthlanpui, MP(LS) leh MLA Bye-election (Aizawl West-I) ah te hian buaina leh harsatna awm lova mipui ten kan vote hlu tak kan thlak theuh theih nan leh ralmuang taka inthlan kan zawh theih nan Mizoram Police chuan mitin te, NGO-te leh Political Party- zawng zawngte min thawhpui a hma la leh theuh turin kan in ngen nawn leh tak meuh ani e.