Vawiin khan Kolasib Diakkawn yma hall ah kolasib District a Polling Station 82 a MP (lok sabha) inthlan buaipui tur te tana training hnuhnung ber neih a ni.

Kolasib DEO Pu Zoengsanga chuan inthlanna thianghlim, felfai leh muanawm tak a awm theihna tura hnathawk tu pawimawh tak heng Sector Officer, Presiding Officer (PRO) leh Assistant Presiding Officer (APRO) te chu an fehchhuah na tur ah duhsakna hlanin an mawhphurna a sangin a pawimawh hle ani tih hre reng turin  a chah a. Inthlanna chu hlawhtling taka kalpui a nih theihnan training te  buatsaih tha thawkhat anih thu tarlangin training chu Inthlanna hlawhtling taka kalpui a nih theih nan hmang tangkai turin a chah bawk a ni.

Presiding Officer (PRO) leh Assistant Presiding Officer (APRO) te tana inthlan ni a kalphung zawm tur leh thil pawimawh inhrilhfiahna hun hi DLMT Pu Gaston vanlalhriatpuia, Pu Samuel Zodinsanga leh Pu Neng Thianlala ten an kaihruai a, power point presentation hmangin thil tih tur leh hriattur te inhrilhfiahna hun hman a ni a, zawhna leh chhanna hun hman bawk niin training zawhah hian PRO te hnenah Vote thlak ni a an bungraw mamawh tur te sem chhuah nghal a ni a, naktuk hian DC Office kawt ah EVM khawl semchhuah leh ani anga Polling Officials te hian an Duty na tur hmun an pawn dawn a ni.

Training tura inziak lut hi Polling Officials 300 chuang leh Sector Officer 16 te an ni.

 

 

Attachment

  • Loading attachment...