4075/2025-2026

Dated Aizawl, the 20th January, 2026 : Vawiin chawhnu khan Chief Secretary Pu Khilli Ram Meena kaihhruaiin State Water and Sanitation Mission Apex Committee chu sawrkar laipui scheme Jal Jeevan Mission (JJM) hnuaia Mizoram-a hmalakna hrang hrangte thlirletin Chief Secretary Conference Hall, MINECO-ah an thukhawm a ni.

He thutkhawmah hian Jal Jeevan Mission hnuaia Mizorama hna thawh zawh tawhte leh la kal mekte thlir ho a ni a. Hna thawk zo tura rokhawlhna awmte leh a chin fel dan tur pawh sawiho a ni a. Chief Secretary chuan JJM scheme a hlawhtlin theih nan department hrang hrang nen thawhhona tha neih a pawimawh thu a sawi.

Tun dinhmunah Mizoram-ah hian JJM hnuaiah scheme 852 kalpui a ni a. He scheme kaltlang hian thingtlang in tin, school leh Rural Anganwadi Centre zawng zawngte tui connection pek an ni tawh a ni.

Vawiin thlirletna thutkhawmah hian PHE Dept Secretary Pi Zodingpuii, H&FW Dept Commissioner & Secretary Pi K. Lalrinzuali, IPRP&S Secretary Pi Betsy Zothanpari Sailo, RD&AD Additional Secretary Pu V. Lalengmawia, School Education Dept Additional Secretary Pi R. Lalbiakzuali, P&PI Principal Adviser Dr. Lalrinchhana, Finance Dept Joint Secretary Pu Sailoliana Sailo leh official dangte an tel a ni.