4076/2025-2026

Dated Aizawl, the 20th January, 2026: Vawiin khan Pu R. Zarzosanga, Commissioner & Secretary, Rural Development & Administration Department kaihhruainain Mizoram State Rural Livelihoods Mission (MzSRLM) leh Project Implementing Agencies pasarih (7) te chuan thalai 1022 te skill development training-na tur atan thawhdunna thuthlung (Memorandum of Understanding (MoU) an ziak.

He MoU hnuaia zir theihte chu - Fashion Designing, Sewing Machine Operator, Guest Service Associate, Solar Pv Installer leh General Duty Assistant te a ni.

DDU-GKY project hi Mizoramah kum 2018 atanga lo kalpui tawh niin thingtlang thalai kum 18-35 inkarte tan a thlawn veka training kalpui a ni a, training zo tawhte chu Mizoram chhung leh India ram hmun hrang hrangah hna zawnpui thin an ni.

Tun dinhmunah thalai 3897-te’n training zo tawhin he’ng zinga mi 2580-te chu Mizoram chhung leh India ram hmun hrang hrang – 5 Star Hotel leh Resort, Call Center, Cabin Crew leh a dangahte hna hmuhsak tawh an ni.