4077/2025-2026

Siaha 21st January, 2026: Nimin zing dar 8:30 AM khan Niawhtlang I VC Court House- ah Sawrkarin Niawhtlang khua tui hnianghnar a pek avanga lawmna ni leh WATSAN Committee kuta hlanna hun 'Jal Arpan Diwas' hman a ni a. Pu N Lalrosanga bialtu MDC leh Vice Chairman, Planning Board, MADC nibawk chu khuallian a ni.

Pu N. Lalrosanga chuan Sawrkarin Niawhtlang khua tui hnianghnar tak a pek avanga a lawmpui thu a sawi a. A chhawrtu mipuite pawh khawl thilte leh tui dahkhawlnate chu mahni ta ani tih pawma, dimdawi taka enkawl turin a sawm a ni.

Khuallian hian tui lakna document pawimawh hrang hrang: line plan drawing, Solar pumping scheme detailed specifications, leh test report - hrang hrangte khawtlâng hruaitute hnenah a hlan a. WATSAN Committee -kutah tui lak enkawl hna a hlan nghal bawk.

He hun hmanna hi Er. Viasai Solo,  Sr. Executive Engineer, in a kaihruai a. Er. PC Lalthanliana SDO, PHED in tui lak leh pumping scheme detailed report - a pek bakah 'Meri Panchayat Mobile Application'  hman dan mipuite a zirtir  nghal a ni.