Vawiin chawhnu khan Chief Secretary Pu Lalnunmawia Chuaungo hovin JICA(Japan International Cooperation Agency) Technical Project chungchangah Joint Cooperation Committee Vawi 3-na, Chief Secretary Conference Hall, New Secretariat Complex-ah neih a ni.

Chief Secretary Pu Lalnunmawia Chuaungo chuan JICA Senior Advisor Dr. Nagayo Narihide leh a thawpuite, Joint Coordination Committee Member  zawng zawng hnenah lawmthu a sawi a. JICA chuan Kum 2017 atangin Mizoram-ah Project rawn tanin, Mizoram-ah JICA Project hmangin hmasawnna agriculture leh horticulture lamah neih a beisei thu a sawi a ni.

Horticulture Director Dr. Saipari chuan Project on Capacity Enhancement for Sustainable Agriculture and Irrigation Development tih zirchianna PowerPoint Presentation a pe a. Dr. Nagayo
Narihide chuan  Pilot Project Bilkhawthlir RD Block, Aibawk RD Block, Serchhip RD Block leh Champhai RD Block a hmasawnna PowerPoint Presentation a pe a. Result hmuh atanga Project tha zawka thawh a nih theihnan inbiak tawnna tha zawk leh Block Agriculture & Irrigation Development Committee tih tur thliarfel chu thil pawimawh tak a ni, a ti a.

Committee-ah hian Project Management Team leh Block Agriculture & Irrigation Development Committee tih changtlun dan tur te, loneitute hnena atam thei ang ber JICA kaltlanga technical skills thehdarh dantur te, Second Pilot Project April, 2020 a tan tur ruahmanna leh a dangte an sawi ho a ni.

Joint Coordination Committee-ah hian Secretary, I&WRD Pu Thlamuana, Project Director, TCP (JICA) Pu Lalrotluanga, Secretary, Planning & Programme Implementation Department Dr. C. Vanlalramsanga leh midangte an tel a ni.