2816/2023-2024
Krismas leh Kumthar vuak veta halpuah leh puakthei hal thinin boruak bawlhhlawh, mihring tana hlauhawm a siam thin avangin kuminah pawh hetiang halpuah leh puakthei chi hrang hrang khap dan tur chungchang vawiin tlai khan Chief Secretary Pi Renu Sharma, IAS, Chief Secretary hovin Secretariat Conference Hall ah sawiho a ni.
He meeting ah hian Home Department, Forest Department, Health Department, AMC, Pollution Control Board hotute bakah Aizawl DC leh tlawmngai pawl hotute an tel a ni. Heng hunpuiah hian ruihtheih thil te pawh khauh taka khap a tul thu te leh halpuah leh puakthei thil dang hal hian mihring hriselna atana thil pawi a thlen thin avangin mitin hal lo tura ngen ni se tih te an rel a a ni. Hemi kawnga hmalakna a hlawhtlin theih nan Chief Secretary chuan mitin thawhhona a pawimawh thu sawiin mi zawng zawng tang tlang turin a ngen bawk a ni.
