2817/2023-2024

Vawiin khan DC Conference Hall, Mamit-ah World Fisheries Day denchenin Pu V.L. Remliana, Chairman DLFCB, District Bawrhsap ni bawk hovin District Level Fisheries Conservation Board thutkhawm a ni.

Pu V.L. Remliana, Chairman DLFCB chuan ni 10, Oct atanga ni 18 Dec thleng luidung nungcha humhalh a nih angin mipuite pawhin kan zah a tul a, Mizoram luidunga sangha khawi chi zirchianna awm lova duh duh a, chhuah a ni thin chu a pawi hle a, river ranching chungchang kan hriatchian lehzual a tul thu a sawi a ni.

Vawiin thutkhawmah hian Mizoram Fisheries Amendment Act (2022) leh Mizoram Fisheries Rules (2019) zirchianna neih niin, kumin April thla a Angling Festival Dapchuaha hlawhtling taka neih leh Luangpawl YMA Branch, Mamit te'n Angling Festival an buatsaihte thirletna neih a ni bawk.

Pi Lalremsangpuii, Member Secretary, District Fisheries Development Officer ni bawk chuan Powerpoint Presentation hmangin Awareness Campaign a nei a ni.

Vawiin hian Fisheries Department leh NGO-te thawhhona chak zawk a, a kal theih nan Rules and Responsibilities of YMA leh VC zirchianna hman a ni a. YMA te'n luidung an humhalh chin hi mumal zawka humhalh nise DFDO Mamit ah hriatpuina leh proposal te thehluh a, District Level Fisheries Conservation Board-in a pawmpui chauhte Protected area recognition/Sorkar hriatpuina chauha humhalh ni tawh se tihte rel a ni.

Vawiin thutkhawmah hian Mamit District Level Fisheries Conservation Boards members te an tel a ni.