Vawiin khan  Chief Secretary, Pu Lalmalsawma  hovin Mizoram State Entrepreneurship Development Monitoring Committee (MEDMOC)  bultuma ‘Master Trainers’  atana  College leh University atanga thlanchhuah zirtirtu 10-te kawmna leh training thirletna hun Chief Secretary Conference Room, New Secretariat Complex-ah neih a ni. Heng zirtirtu te hian March ni 20-24 chhung khan National Institute for Micro, Small and Medium Enterprise (NI-MSME ), Hyderabad-ah ‘Training for Trainers on Entrepreneurship’ an nei a ni. Chief Secrectary kaihhruaina hnuaia awm MEDMOC-hi New Economic Development Policy (NEDP)  hmalakna pakhat, Entrepreneurship Development Scheme (EDS) kalpuina tura din a ni.

Chief Secretary, Pu Lalmalsawma chuan Mizo te chu thil thiam dun, teirei peihlo leh  hlawhtlinna hmuh vat duha rilru hmanhmawh kan ni , a ti. NEDP hnuaia EDS kalpuina tura Master Trainers- te chu mawhphurhna sang tak an neih thu sawiin, an thil hmuh leh zirchhuah te hmang tangkaia, a tul anga intuaihriam zel turin a fuih bawk a ni.

Masters Trainers te chuan MEDMOC- hmalakna a  NI-MSME, Hyderabad-a training an nei chu hlawkthlak an tiin lawmawm an tih thu Chief Secretary an hrilh a. Training na atanga an thilzir leh hmuh te chipchiar takin an sawi bawk a ni.

He Meeting ah hian Dr. Lalrinchhana, Member Secretary, MEDMOC-in  EDS hmalak tawhna leh hmalak zel dan tur te report tawi a pe a, Pu Joseph L. Ralte, Expert Member, MEDMOC hnen atangin EDS chungchang inzirtirna neih a ni a. Meeting-ah hian Pu Zothan Khuma, ITS, Commissioner & Secretary, Commerce and Industries, Pu Benjamin, IDAS, Commissioner and Secretary H&TE-te pawh an tel a ni.