Backward Region Grant Fund (BRGF) High Powered Committee (HPC) Chief Secretary Chairman-na hnuaiah vawiin chawhma dar 11:00 khan Chief Secretary Conference Room ah neih a ni a.
He Committee hian kum 2012-2013 chhunga BRGF sum hmanga Lawngtlai leh Saiha District tana hmasawnna hnathawh tur ruahman te chu uluk leh fimkhur takin a ngaihtuah a, ruahmanna anga sum te hi dik tak a hman a nih chuan Lawngtlai leh Saiha District te tan hian hmasawnna tam tak thlen thei tura ngaih a ni.
BRGF hi hmun kilkhawr deuh zawka ram hmasawnna tur thil inkhairual lo siam thatna hmanrua a ni.
Chief Secretary/Chairman ni bawk chuan he sum hi Central sawrkar in duhsak taka Mizoram hmun kilkhawr zawkte hmasawnna atan a rawn pek ang ngei hian uluk tak leh fimkhur taka mipuite chawikan nan a hman ngei turin District thuneitute a chah bawk.
