Vawiin chawhma dar 11 khan Chief Secretary's Conference Hall, New Secretariat-ah Chief Secretary Pu Lalmalsawma IAS, kaihhruaina hnuaiah North Eastern Council (NEC) hnuai a Projects kalpui mek leh a thar tur State Priority List a awmsa te 'Status Review Meeting' neih a ni a. Meeting-ah hian Secretary, Planning & Programme Implementation leh Planning Department hotu dang te, Joint Secretary (Finance) leh heng Projects kalpui mek Department hrang hrang 22 a Head of Department te an tel a ni.

He meeting-ah hian Government of India in Scheme of Financing a ruahman ang a NEC atanga Mizoram Sawrkarin project funding kumin financial year chhunga a hmuh tur kimchang tak, felfai tak leh dik taka hman anih theih nan hmalak dan tur sawiho a ni. Chief Secretary chuan Project Implementing Department te hnenah theihtawp chhuah a heng projects te tihhlawhtlin nan a thawk turin a chah a. Projects te felfai taka tihhlawhtlin anih theihnan a pawimawh, Detail Project Report (DPR), Utilisation Certificate (UC), leh Quarterly Progress Report (QPR) te a hun taka thehlut thei ngei tura tan la turin a chah bawk a ni.