Vawiin chawhma dar 11:30 khan Chief Secretary Conference Hall-ah Chief Secretary Pu Van Hela Pachuau hovin Press Conference neih a ni a, Press mite an kal tha hle.
Chief Secretary chuan nimin lama Cabinet Meeting, Pu Lal Thanhawla, Chief Minister hovin an nei a, Sorkarin hman tura a tih thar hrang hrangte Press mite hi a hrilhfiah a, a pawimawh ber a lang Mizoram (Revision of Pay) Rules, 2010 sorkarin hman tur a a tih chu an sawi deuh ber a ni.
Mizoram (Revision of Pay) Rules 2010, 6th Pay kan tih mai chu 1.1.2006 atangin sorkar hnathawk ten Notional in an hmang tan ang a, 1.1.2009 atangin an hlawh thar angin an hmu anga, Group A, B leh C te chu GPF ah an arrear dah sak an ni ang. Group D chuan 1.1.2009 atang hian a sum faiin an dawng ang a, 1.8.2010 atangin sorkar hnathawk zawng zawng ten he hlawh thar hi sum faiin an dawng tan ang tih Pu Van Hela chuan a sawi.
College Teachers ho pawh sorkar hnathawk dang ang bawkin an hlawh lak hun tur bithliah sak an ni a, UGC pay sang tak an hlawh dawn avangin, Associate Professor te pawhin IAS super time scale hlawh aia sang mah an la dawn tih Chief Secretary chuan a sawi a, hei hi mithiamte hip nan leh tha taka zirtirna hna an thawh theih nan UGC hian a duan chhuah anih thu a sawi bawk. 1.1.2006 atangin 1.3.2010 thleng a an hlawh tur chu UGC in 80 % tum tura tih anih laiin 20% chu State sorkarin a tum tur tih anih thu Chief Secretary chuan a sawi bawk.
College Teachers te pension kum atan kum 62 chin tih chu UGC rawtna angin Mizoram sorkar chuan a pawm a, sorkar hnathawk dangte erawh chu tuna hman lai kum 60 ah a ni zel ang tih Chief Secretary chuan a sawi bawk.
Pu Vanlalnghaka, Additional Secretary (Finance) Chief Secretary tawiawmtu chuan Sorkar hnathawk hlawh pung tur atan hian inrin lawk niin nikum budget atang khan sum hmantur hi dah lawk a nih thu a sawi.
Press mite zawhna chhang in Chief Secretary chuan hlawh siamthat ngai te engemaw chen awm thei a nih thu sawiin heng te hi tuna buaipui a nih leh chuan a rei lutuk dawn a chuvang chuan Cabinet Meeting chuan Cabinet Sub-committee in a an report chu pawm rih phawt a tul a ni an tih thu a sawi lang a, siamthat tul awmte chu en chhoh zel a ni ang a ti.
LDC Hlawh tih dikna : Chief Secretary hova Press Conference vawiin a Chief Secretary Conference Hall a neih ah Chanchinthar lakhawmtute zawhna Mizoram Sorkara LDC (tan tir) hlawh tur kha chhut dik loh palh a ni a, hetiang hi a ni zawk e Rs. 7510 + 2400 = Rs. 9,910 niin, allowances dang neuh neuh nen Rs. 15,570/- vel ni tur a ni e.
Mizoram (Revision of Pay) Rules 2010, 6th Pay kan tih mai chu 1.1.2006 atangin sorkar hnathawk ten Notional in an hmang tan ang a, 1.1.2009 atangin an hlawh thar angin an hmu anga, Group A, B leh C te chu GPF ah an arrear dah sak an ni ang. Group D chuan 1.1.2009 atang hian a sum faiin an dawng ang a, 1.8.2010 atangin sorkar hnathawk zawng zawng ten he hlawh thar hi sum faiin an dawng tan ang tih Pu Van Hela chuan a sawi.
College Teachers ho pawh sorkar hnathawk dang ang bawkin an hlawh lak hun tur bithliah sak an ni a, UGC pay sang tak an hlawh dawn avangin, Associate Professor te pawhin IAS super time scale hlawh aia sang mah an la dawn tih Chief Secretary chuan a sawi a, hei hi mithiamte hip nan leh tha taka zirtirna hna an thawh theih nan UGC hian a duan chhuah anih thu a sawi bawk. 1.1.2006 atangin 1.3.2010 thleng a an hlawh tur chu UGC in 80 % tum tura tih anih laiin 20% chu State sorkarin a tum tur tih anih thu Chief Secretary chuan a sawi bawk.
College Teachers te pension kum atan kum 62 chin tih chu UGC rawtna angin Mizoram sorkar chuan a pawm a, sorkar hnathawk dangte erawh chu tuna hman lai kum 60 ah a ni zel ang tih Chief Secretary chuan a sawi bawk.
Pu Vanlalnghaka, Additional Secretary (Finance) Chief Secretary tawiawmtu chuan Sorkar hnathawk hlawh pung tur atan hian inrin lawk niin nikum budget atang khan sum hmantur hi dah lawk a nih thu a sawi.
Press mite zawhna chhang in Chief Secretary chuan hlawh siamthat ngai te engemaw chen awm thei a nih thu sawiin heng te hi tuna buaipui a nih leh chuan a rei lutuk dawn a chuvang chuan Cabinet Meeting chuan Cabinet Sub-committee in a an report chu pawm rih phawt a tul a ni an tih thu a sawi lang a, siamthat tul awmte chu en chhoh zel a ni ang a ti.
LDC Hlawh tih dikna : Chief Secretary hova Press Conference vawiin a Chief Secretary Conference Hall a neih ah Chanchinthar lakhawmtute zawhna Mizoram Sorkara LDC (tan tir) hlawh tur kha chhut dik loh palh a ni a, hetiang hi a ni zawk e Rs. 7510 + 2400 = Rs. 9,910 niin, allowances dang neuh neuh nen Rs. 15,570/- vel ni tur a ni e.
Attachment
- Loading attachment...
