Vawiin chawhnu dar 2 khan Chief Secretary kaihhruaiin Chief Secretary’s Conference Room-ah Remna Ni Pearl Jubilee (kum 30-na) lawm dan tur ngaihtuahin State Level Committee neih a ni a, Committee member-te an tel tha hle.

Meeting kaihruaitu Chief Secretary chuan Remna Ni Pearl Jubilee chu Mizoram sawrkarin ropui taka lawm a tum tih a sawi a. He meeting-ah hian Remna Ni Pearl Jubilee thupui atan ‘Peace for Progress and Prosperity’ thlan niin a lawmna pui ber chu Aizawlah buatsaih a ni ang a, District dang zawng zawngah pawh remchan ang zelin lawmna programme siam a ni dawn bawk. Remna leh muanna hlutzia leh vawn nun zel a tulzia inzirtirna lam hawi bakah Mizo thiamthil chi hrang hrang pholanna hun atan kumin Remna Ni programme hi hman tum niin, hun hman dan tur chipchiar buatsaih turin GAD ruat a ni bawk.

He State Level Committee-ah hian Chief Secretary chu Chairman niin Addl. Chief Secretary, GAD chu Vice-Chairman a ni a. Member-ah hian Principal Secretary to CM; Principal Secretary, Home; DGP; Finance Commissioner; Secretary, Planning; Secretary, Industries; Secretary, Information & Public Relations; Secretary, Art & Culture; DC zawng zawngte; Director, Industries; Director, I≺ leh State Protocol Officer-te an tel a. GAD Joint Secretary chu Member Secretary a ni bawk.