2457/2024-2025

Aizawl, October ni 10, 2024: Vawiin khan Chief Secretary leh Chairman, Single Window Clearance Authority ni bawk Dr. Renu Sharma kaihhruai in Chief Secretary Conference Room, MINECO-ah sorkar inrelbawlnaa Single Window Portal hman chungchangah meeting neih a ni a. Department hrang hrang Secretary te an tel a ni.

He meeting ah hian CS Dr. Renu Sharma chuan Department tinte chu Single Window Portal kaltlang a clearance leh approval chak leh rang zawka pek a nih theih nan leh National Single Window System Portal a onboard a nih thuai theihna tura chak zawka hmala turin a hriattir a ni.

Single Window Clearance Authority hi Ease of Doing Business Act, 2022 leh Ease of Doing Business Rules, 2023 hmanga din a ni a. He authority hian Single Window System portal kal tlanga sumdawng leh investors ten awlsam leh chak zawka approval leh clearance an lak zung zung theihna tura hmalakna kawnga thuneitu a ni.