Nimin khan Pu Lalmalsawma, Chief Secretary hovin CS Conference Hall-ah Mizorama UN Joint Initiative Project chungchangah Steering Committee meeting vawihnihna neih a ni. He meeting-ah hian Pu Louis-Georges Arsenault, UN Resident Coordinator; Pi Ayumi Fujino, UNIDO Representative in India and Project Coordinator; Pi Marina Walter, Deputy Country Director, UNDP, New Delhi; UN Officials dang te, Pu P.L. Thanga, Vice Chirman, NLUP Implementing Board leh NLUP hnuaia Line Department a Secretaries leh Officials te an tel a ni.
Pu Lalmalsawma chuan UN agencies te nena thawhhona hian kuthnathawk tute hmasawnna a thlen ngei beiseiin Mizoram mipuite chuan nghakhlel takin an thlir mek a. Mizoram sorkar pawhin UN agencies te nena thawhhona hlawhtling ngei turin a theih tawp a chhuahin hmasawnna kalmekah thawhhona tha nei turin a in hawng a ni a ti.
Steering Committee Meeting ah hian FAO, ILO, UNDP leh UNIDO ten November, 2014 - April, 2015 chhunga an thil hmuhchhuahte tarlanna te, Nodal Officer ruat chungchang te, Steering Committee a Core Member leh Member dangte ruat chungchang leh Mizoram sorkar, NEC leh DoNER atanga sum hnuhkhawm dan turte sawi ho a ni.
UN Joint Initiative Project-ah hian UNO a peng hrang hrangin Mizoramah Eco System siamthat hna leh humhalh leh a tum bulpui ber ‘food security, livelihood security, energy and environment security, ecological balance, sustainable livelihood, income generation leh ecosystem venhimna atan mau hman tangkai, agriculture leh a kaihhnawih hman tangkai leh market linkage te an ni.
