Vawiin chawhnu khan Chief Secretary's Conference hall ah  Mizoram Watershed Development Agency meeting Chief Secretary Pi L.Tochhong hova neih a ni a. He hunah hian IWMP chungchanga State Level Nodal Agency(SLNA) meeting 28.6.2013 a rel tawh bawhzui a nih dan te leh 2014-2015 chhunga IWMP Project duan chhin te endik a siam rem a ni.

Chief Secretary chuan report reng reng a hun ah chat chat felfai tak leh rintlaka peih hman thin turin DRDA hnuaia thawk te a chah a. DRDA annual works plan behchhan a hmalakna chungchang report pekna ah te phhuahchawp a tel thianglova, management information system(MIS) thawn chungchangah Directorate leh District a agency te chiang tak leh a huntak a information inpe thin turin a hrilh a ni.

Meeting hi Rural Development Secretary Pu R.Lalvena chuan a kaihruai a. Chief Executive Officer, Mizoram watershed nodal agency(MzWDA) Pu V.Lalsangliana in IWMP hmalkna te leh hmun hrang hranga hna thawh zawh tawh te a tarlan hnu in 2014-2015 chhunga IWMP Project duan chhin chu zirchian a siamrem a ni. MzWDA meeting in 2014-2015 chhunga IWMP Project tura ruahman ang chuan IWMP hian 2014-2015 chhungin Mizoram a district 8 chhunga khaw 31 ah 56580 Ha huamchhung a tuam dawn a ni.