Vawiin khan SE(Southern Circle) huamchhunga JE leh a hnuai lam hnathawkte tan ‘Training on Disaster Management, Electrical Safety Procedures & Accident Prevention’ chu I&PR Conference Hall, Bazar veng-ah neih a ni a. He Training hi Power Finance Corporation bultum niin rampuma Electricity Board leh Department hnathawkte venhimna leh fimkhurna kawnga hmalak dan tur leh inpuahchah dan tur inzirtirna a ni a. He Training Programme-in a tum ber chu rampumah kawlphetha renchem leh tul lova kawlphetha luangral tam lutuk laka inven a ni.

March ni 6-12, 2014 chhunga P&E Training  neih tur hawnna inkhawm Lunglei DIRO Pi Mina Zoliani kaihhruaiah hian SE, P&E(Southern Circle) Pu R.Lalrema chuan chhimbial District 3 - Lunglei, Lawngtlai leh Saiha - atanga P&E hnathawk lo kalte lawmna thu a sawi a. P&E Department hnathawkte tana thil hriatthar leh hriatthiam tam hi a tangkai em em a, a bik takin JE leh a hnuai lamte phei chu Department kut leh ke, a tak taka hna thawk an nih avangin hetiang training buatsaih a nih chu a vanneihthlak hle a ni a ti. Sorkar pawhin chhimlam bial chu ngai pawimawhin 132KV Station bun thuai a tum thu te sawiin Pu R.Lalrema chuan Lunglei khawpui chhung bikah streetlight tam zawk awm thei se a duh thu a sawilang bawk a ni.

Ni 6 awh tur Training chhung hian Affinity Business School, Bhubaneshwar atanga lokal Prof (Dr) Srimoy Patra, Dean leh Pu Bibhas Adhyay, Disaster Management Officer ten zirtirna an pe dawn a ni.