Tun thla ni 17 atanga tan tur ‘4th HPC CUP 2014’ Organising Committee chu an Chairman HPC Vice-Chairman Pu S.Laldingliana hovin ama office chamber-ah vawiin khan an thukhawm a ni.

Meeting kaihruaitu Pu S.Laldingliana chuan HPC CUP 2014 atana sum dah chu Rs. 5,00,00 (Cheng Nuai 5) a nih thu leh he tournament-a tel VC zawng zawngte tan Participation Prize siamsak a nih tur thu a sawi a ni.

Vawiina Committee thukhawm chuan HPC CUP 2014 atan Trophy thar lei an rel a, Opening & Closing Function buaipui tur Sub-Committee an ruat fel nghal bawk a ni. HPC Cup 2014 Tie-Draw chu March ni 13, 2014 (Ningani) dar 11:00AM-ah I&PR Conference Hall, Bazar Veng-ah neih tur a ni ang.

HPC CUP 2014 Opening Ceremony (Kick-off) hi March ni 14, 2014 (Zirtawpni) zan dar 7:00-ah Thuamluaia Mual-ah nei zawk tur a ni a. Election puan tawh a nih avangin a hmaa an lo ruahman tawh Saikuti Hall chu Strong-Room atan hman a nih dawn avangin a hmun hi thlak a ni. HPC CUP 2014 hawngturinMFA Sr. Vice-President Pu PC Vanlalhruaia sawm nise tih rel a ni bawk.

HPC CUP 2014, Lunglei District Inter-Village Football Tournament (Senior & U-17) atana lawmmansiamte cu hetiang hi a ni :

1). Champion - Rs.70,000 + Trophy

2). Runner’s Up - Rs.30,000

3). Semi-Finalists (2 Teams) - Rs.10,000 each

4). Fair Play - Rs.5000 + Trophy

5). Top Scorer - Rs.1500 + Trophy

6). Best Player - Rs.1000 + Trophy

7). Participation Prize - All VCs (Semi-Finalists chin tiam lovin)