657/2023-2024

Champhai, the 1st June, 2023: Chief Secretary Dr. Renu Sharma chuan zanhnih cham turin zanin dar 7:00 khan Champhai a thleng. Chief Secretary hi Circuit House tualah District Bawrhsap Pu James Lalrinchhana, SP Pu Lalrinpuia Varte leh Department hotute'n an lo dawngsawng a ni.

Ruahman dan chuan naktuk chawhma hian Champhai DC Conference Hall-ah Department hotute kawmin scheme pawimawh tak taka hmalaknate thlirho a ni dawn a. Hemi hnu hian DC Office, Election Branch, SP Office, District Hospital, Vengthlanga mimal hnawm sawngbawlna leh Tlangsam Winery-te a tlawh dawn a. Inrinni hian Keilungliah tuikhuah, Solid Waste Management Centre Mualkawi, Land Custom Station leh 42nd Assam Rifles COB, Zokhawthar-te a tlawh dawn bawk a ni.