Vawiin khan Chief Secretary Pu Arvind Ray chuan Mizoram Legislative Assembly Election, 2018 inbuatsaihna atan EVM leh VVPAT chungchanga mipuite inhrilhhriatna hun New Civil Secretariat, Aizawl-ah a hawng. He hun hi Aizawl DC Pi Dr.A.Muthamma chuan kaihruaiin, District Election Branch buatsaih a ni.

Chief Secretary chuan khua leh tuite mawhphurhna pawimawh tak pakhat chu inthlan huna vote thlak hi a ni, a ti a. Sawrkar dintuah Mizoram mipuite chu a ngenin a chah bawk a ni. Aizawl DC pawhin thusawiin, ECI EVM leh VVPAT hmanga ngaihtha taka MLA inthlan lo awm turah hian, vote thlak theuh turin mipuite a chah a, rualbanlo Kum 18 tling tawhte Electoral Roll-a la lawm lo te chu Election Branch DC Office ah in hriattir turin a ngen nghal bawk a ni.

He hunah hian New Secretariat Office a thawk zawng zawng te tellin, a taka inzirtirna leh EVM hmandan enchhinna (demonstration) hun nilenga neih a ni bawk a ni.

Election Commission of India (ECI) EVM leh VVPAT hi security khauh tak venhimna hnuaiah dah a ni a, khawih chingpen theih a ni lo a ni. EVM lakchhuah a nih dawnin venhimna hnuaiah political party hriatpuinain lak a ni chauh thin. ECI EVM leh VVPAT hi khawl dang Computer, TV, Laptop etc nen thlunzawm theih a ni lo a ni. EVM hi part chithum inzawm a ni a, chungte chu- Control Unit, Ballot Unit leh VVPAT te an ni.

Control Unit hi vote thlak zawh veleh Presiding Officer in a lo hmet ve zel ang. Ballot Unit hi vote thlakna a ni a, vote duh zawna button hmeh tur a ni. VVPAT bawmah paperin a rawn in print ang a, hei hi second 7 chhung en theih a ni. Vote Slip hi VVPAT bawm  chhungah a tlakhawm vek a ni.