Ni 1.9.2018 inrinni khan Convention Centre, Lunglei ah India Post Payments Bank hawnna hun hman ni in Dr.Ankita Chakravarty, IAS, Deputy Commissioner Lunglei chu khuallian ni in, India Post Payments Bank, Lunglei Branch chu mipuiten tangkai taka hman a nih theih nan lawm takin a hawng.

Hawnna inkhawm hi Pi Lalrinzuali, SDI, Lunglei Sub Division in kaihruai in Dr.Ankita Chakravarty chuan Post Office hnathawktute hmalakna avangin hmasawnna tam tak hmuh theih in a awm a, mipui ten Post Office kaltlang a awlsam zawk a pawisa dah theihna India Post Payments Bank Lunglei a hawn theih anih avangin lawmawm a ti a. India Post Payments Bank hi mipuiten tangkai taka an chhawr a, I Bank, i in kawtahtih angin pawisa thawktu te kaltlangin a dah theih dawn ani.

Kum 2015 khan RBI in department of Post chu Payment Bank siam phalna a pe a, kumin chhung hian Mizoram Post Office 383 leh India ram Post Office nuai 1.55 ah te IPPB hawn vek tum ani. IPPB ah hian Saving Account leh sumdawng te hmantur Current Account a hawn theih dawn a, Account hawng duh te, pawisa la chhuak duh leh Aadhar hmang a pawisa thawn duh te chu Post Office a thawktu ten an mahni in ah an pan zel dawn ani. IPPB hmang hian bill hrang hrang mobile bill, recharge, electrict bill,online shopping payment leh bank dang ah pawisa thawn a tih theih dawn a, heng bakah hian IPPB account ah hian Direct Benefit Transfer chi hrang hrang NREGS,Gas subsidy,Scholarship,Pension leh thil dang te a tih theih dawn ani. IPPB hi vawiin dar 3.15 khan Prime Minister in New Delhi ah hawng a,   hemi rual hian Mizoram ah hmun 30 ah IPPB hi hawn ve nghal a ni.

 

Attachment

  • Loading attachment...