Vawiin khan Chief Secretary Pu Vanhela Pachuau in AMFU Gen. Hqrs. Office-ah ‘Israel leh AMFU’ tih lehkhabu Dr. Chawngkhuma Chawngthu ziah a tlangzarh.
He Lehkhabu tlangzarh Inkhawm hi AMFU Gen. Hqrs. Vice President Dr. H. Vanlalhlunan a kaihruaia, tunhnai a AMFU hruaituten Agricultural Technology zira Israel an tlawh thu AMFU Gen. Hqrs. President Pu R. Lalduhawman a sawi a. Pu Vanhela Pachuau chuan lehkhabu tlangzarh zawhin thu a sawi naah AMFU hruaitu ten Israel rama lo leh huan neih dan changkang zawk chipchiar taka an zu zir chu lawmawm a tih thu a sawi a. Israel ten a an hlawhtlinna bulpui ber taimakna leh rinawmna a nih an zuk hmuchhuak chu Mizoram hmun hrang hrangah a tam thei ang ber sawi zau turin a chah hlawm a. Mi ramin an thlai thar te uluk taka hralh tlak a an enkawl dante leh thlaler ramro remhriatna leh taimakna hmanga hmantlaka an chei bawl dante Mizo mipui te entawn tura pholangtu lehkhabu tha tak an buatsaih thei leh zel hi an chhuanawm tak meuh a ni a ti.
Pu Vanhela Pachuau chuan Mizo mipuite hian rinawmna kan tlakchham avangin pawisa hian a thawh tur ang a thawk lo a ni a ti a, chuvangin Mizo mipui zawng zawng a thar a rinawmna leh taimakna kan zir leh a ngai a ni a ti a. Israel rama Mizo zuk awmte pawhin Israel rama kan thawh ang tluka taima in thawk ila Mizo mipuite hi kan intodelh lo thei lovang an tih thin te hi inzir nan hmang ila a duhawm hle a ti.
He lehkhabu tlangzarhna inkhawm ah hian Mizoram a mi challang leh rawn tlak an tam hle a ni.
Pu Vanhela Pachuau chuan Mizo mipuite hian rinawmna kan tlakchham avangin pawisa hian a thawh tur ang a thawk lo a ni a ti a, chuvangin Mizo mipui zawng zawng a thar a rinawmna leh taimakna kan zir leh a ngai a ni a ti a. Israel rama Mizo zuk awmte pawhin Israel rama kan thawh ang tluka taima in thawk ila Mizo mipuite hi kan intodelh lo thei lovang an tih thin te hi inzir nan hmang ila a duhawm hle a ti.
He lehkhabu tlangzarhna inkhawm ah hian Mizoram a mi challang leh rawn tlak an tam hle a ni.
