AH & Vety Minister Pu Nihar Kanti Chakma chuan vawiin khan Kolasib District chhunga Vety Farm hrang hrangte leh ama chan tho Sericulture Department hnuaia Pangngang khawina hmunpui te a tlawh a. Mizoram mipui ten heng department behchhana eizawnna ngelnghet an neih theih dan tur kawng department hotute a sawipui.
AH & Vety Farm Thingdawl ami a tlawh hnuah DVO Kolasib Office te, AH & Vety Hospital, Dairy Plant, Project veng amite a tlawh a. Kolasib-a District Sericulture Officer Office, Mulbery Seed Farm leh Eri Seed Farm te a tlawh a. Kolasib a thlen hlima DVO Office, Project venga inkhawm neihah Pu Nihar Kanti Chakma chuan sorkar-in pilot project NLUP a kalpui dawn ta a. Hetah hian ran chi hrang hrang vulh tuten eizawnna huap zau zawka an kalpui theih nan taimakna leh tih tak takna rilru kan put a ngai a ni, a ti a. Ran thinghlim hrisel mitinin kan ei theih nan check post-te pawh uluk lehzuala kalpui a ngai dawn a ni, a ti.
Dr. L.B. Sailo, Director, AH & Vety chuan thusawiin, Mizorama kan sa ei leh artui te a tam ber ramdang atanga kan lalut hi vety Department tan chuan chona nasa tak a ni, a ti a. Ran leh artui a intodelh a, mahni ta ngei kan ei theih hunah state pawna sum tam tak kan thehthang thin chu kan hum tawh ang a. Hlawk tham/lian tham taka ranvulh kan chin hunah chuan sa, artui, bawnghnute ah te kan hnianghnarin kan economic dinhmun pawh a kang dawn a ni, a ti. A lem kalsanin a takah kan lut tawh dawn a, district tin thuam that an ni ang a, Aizawl ringawta in vaw lian lovin Zoram pum hi khua (Village) pakhat a ni tawh ang, Pu L.B. Sailo chuan a ti.
Dr. Lalnuntluanga, DVO chuan he inkhawm hi a kaihruai a ni.
Pu Chakma hian Kolasib a Sazupui (Rabbit) vulhna Farm a tlawh bawk a. Hei hi Mizorama Sazupui khawina awmchhun a niin tunah hian 129 vulh mek a ni.
Hawn pahin Kawnpui khaw bula Sericulture Department Muga Seed Farm a tlawh a, he Farm hi Model Muga Seed Farm atan siam tum a nih thu a sawi.
Minister hi AH & Vety Director bakah Pu Donatus Engzanang, Jt. Director, Sericluture leh midangten an tawiawm a ni.
Dr. L.B. Sailo, Director, AH & Vety chuan thusawiin, Mizorama kan sa ei leh artui te a tam ber ramdang atanga kan lalut hi vety Department tan chuan chona nasa tak a ni, a ti a. Ran leh artui a intodelh a, mahni ta ngei kan ei theih hunah state pawna sum tam tak kan thehthang thin chu kan hum tawh ang a. Hlawk tham/lian tham taka ranvulh kan chin hunah chuan sa, artui, bawnghnute ah te kan hnianghnarin kan economic dinhmun pawh a kang dawn a ni, a ti. A lem kalsanin a takah kan lut tawh dawn a, district tin thuam that an ni ang a, Aizawl ringawta in vaw lian lovin Zoram pum hi khua (Village) pakhat a ni tawh ang, Pu L.B. Sailo chuan a ti.
Dr. Lalnuntluanga, DVO chuan he inkhawm hi a kaihruai a ni.
Pu Chakma hian Kolasib a Sazupui (Rabbit) vulhna Farm a tlawh bawk a. Hei hi Mizorama Sazupui khawina awmchhun a niin tunah hian 129 vulh mek a ni.
Hawn pahin Kawnpui khaw bula Sericulture Department Muga Seed Farm a tlawh a, he Farm hi Model Muga Seed Farm atan siam tum a nih thu a sawi.
Minister hi AH & Vety Director bakah Pu Donatus Engzanang, Jt. Director, Sericluture leh midangten an tawiawm a ni.
