Vawiin May ni 6, 2009 dar 1:30 pm khan Pu Lalsawta, Minister of School Education chuan MBSE a tlawh a, MBSE hotuten lo hmuakin staff zawng zawng hmaah thu tha tak tak a sawi. He huna thu sawiin Pu Lalsawta chuan Mizoram sorkar-in Mizorama zirna siamtha turin hma a la mek a, India rampum huapa mi thiam 3 chah chhuakin Mizoram mi thiam 8 te nen siamthatna tur an ruahman ang. Class 11 zir mumal lova pawl 12 zirlai chauh zirna awmte a awm a; zirtirtute leh department-a inspecting officer-te inngeih taka an awm theihna tura Service Rules mumal siam a tul a; Decentralization neih a tul bawk. Zirtirtu sawn tura Minister pan fo te hi SDEO/DEO/Director ten anmahni zawlpuia tih tawk neih a ngai a. Zirtirtuten ‘Zirtirtu’ nih an inchhuan theihna tura anmahni line-a awm zel dan kawng siam pawh a tul hle. Zirtirtu pawhin thuneihna mumal an neih a ngai a ni. Kohhran-in hna tha taka an thawh tam tak hi sorkar chuan a let 7/8 lai sen belh tulin a rinawm. Sorkar hna a chhiata pawiti ngei tur thawktu kan ram hian a mamawh a. SSA pawh department nena mumal taka thawkho tura her rem a ngai a ni. SSA hi zirna tha neihna tura sorkar laipui hmalakna a ni a, Education Department Parallel ang deuha kal tur a ni lo a ni, a ti bawk.

Inkhawm hi Pu Dawngliana, MBSE Chairman-in a kaihruai a, Pu Lianhmingthanga, Secretary in report tawi kim a pe. Report-a pek danin MBSE hian HSS - 57, HS - 276, MS - 569, PS - 840 leh English Medium School 152 a recognised a; District Council pathuma Elementary Education an khawih pui lo a ni. Kum 1978 atangin HSLC passed 122247 an awm tawh a, kum 1997 atangin HSSLC passed 36136 an awm tawh bawk. Thawktu 83 an awm a ni.