3676/2024-2025

Dated Kolasib, the 4th January, 2025 : Vawiin khan Mizoram Chief Secretary Pu Khilli Ram Meena chuan Kolasib District tlawhna hun a hmang a. Kolasib Deputy Commissioner Pu Robert C. Lalhmangaiha chuan Chief Secretary hi lo dawng sawngin DC Conference Hall-ah  Kolasib District-a Head of Office-te nen Meeting an nei.

Meeting hi Chief Secretary chuan kaihruaiin Kolasib District chhunga Sawrkar hmalakna hrang hrangte thlirhona a neih pui a. Pi Zorinsangi, Sub-Deputy Commissioner chuan Kolasib District chhunga Sawrkar Department thlan bikte hmalakna hrang hrang tarlanna hun hmangin, Kolasib District-a Sawrkar Adminstration in dinchhoh dan chanchin tawi Powerpoint Presentations hmangin a pe a. Pu David Lalthangliana, Superintendent of Police Kolasib District chuan Kolasib District chhunga Sawrkar dan leh in relbawlna kenkawh dan chungchuangah-ah Report a pe bawk.

Chief Secretary Pu Khilli Ram Meena chuan Kolasib District chu Mizoram State luhkha pawimawh tak a nih avangin Sawrkar hmun pawimawh tak a nih thu a sawi a. Sawrkar anga hmalakna tur awmte pawh chak tak a kalpui a tul thu sawiin, in kalpawhna kawng tha neih chu hna hmasa a nih thu a sawi a. Loneitute chu mipui nunna hnar pawimawh an nih angin loneitute mamawh ngaihtuah a an hnena thlen chu Sawrkar ngaih pawimawh tak a ni thu a sawi bawk.

Pu Khiili Ram Meena chuan Kolasib chu Assam State nen inthenawm a nih avangin Sawrkar dan kalha State pawn atanga thil chawkluhna kawnga a ni thu chu hre reng turin he Meeting a kalkhawmte chu a chah nghal a. Hemi kawnga chak zawka hmalak a nih theih nan, State thenawm nen inlaichinna tha siam a pawimawh thu leh State Sawrkar thuneihtu nen pawh inbiahpawhna tha neih a tul thu a sawi. He hunah vek hian NHIDCL in National Highway an  siam mek leh kawngpui dang an khawih mek chungchangah hmalakna Chief Secretary ho hian thlir ho a ni a. Chief Secretary chuan Kolasib chu Mizoram mipui mamawh chawkluhna kawng ber a nih angin kawngpui tha neih theih nan chak tak leh tha taka hna thawh a tulin, NHIDCL te chu an theihtawp chhuah turin a chah nghal bawk.

Chief Secretary hian Godrej Palm Oil Mill, Bukvannei a mi chu a hmunah a tlawh bawk a. Oil Palm hmanga hmalakna chu India ram Sawrkar laipui pawhin a ngaih pawimawh thu sawiin, Oil Palm hmanga eizawnna leh intodelh na kawng zawh a nih theih nan theihtawp chhuah a tul thu a sawi bawk.