3675/2024-2025

2025 Pawlkut thla ni 4: Vawiin khan 20 Bn Assam Rifles te chuan an Commandant Col. Jaswinder Singh, SM (Sena Medal) kaihhruaina hnuaiah an Camp Lunglawnah malaria (sikserh) venna beihpui, anti-malaria drive an buatsaih.

He hun hi Deputy Commandant Pu MM Khama hovin sipai leh civil mi ṭhenkhatte'n an kalpui a. Khawl hmangin thosi hlo kap chhuakin, camp chhunga inthiarna leh kawmkar zawng zawng chu thosi hlo hian kah a ni.

20 Bn Assam Rifles Commandant Col. Jaswider Singh chuan he hma lakna hi an ngaih pawimawh thu sawiin, tun dinhmunah an sipaite zingah malaria natna vei an awm lo tih a sawi a. He anti-malaria drive hi 20 Bn Assam Rifles awp hnuaia post zawng zawng-ah kalpui vek a ni.