Nimin khan Chief Secretary Pu Lalmalsawma, IAS chuan Kolasib a tlawh a, amah hi Kolasib DC Pu H. Lalengmawia, IAS leh Kolasib a Office hrang hrang hotulu ten nimin tlai khan Circuit House ah an lo dawng sawng a ni. Sawrkar hnathawkte nen inkawmna tawite an neih ah Pu Lalmalsawmna chuan kan thuthmun atangin emaw, a vak chhuak, field staff emaw anga hna kan thawh hian a tute pawh kan pawimawh tlang a, mipui rawngbawlna kawngah thahnemngai taka kan thawh a tul a ni, a ti a. File system chu Sawrkar hnathawh kalphung ni mahse file phenah mihring an awm a ni tih kan hriat a tul a, file te hi kan hnathawh anih rualin a phen a awm mihring te hi kan ngaipawimawh leh kan thawhchhan a ni tih hriatreng a tha a ni, a ti bawk.

Hemi hnu hian Chief Secretary chuan DC Kolasib leh a thawhpuite leh PWD hotute meeting a neihpui leh a, Rel kawng siam mek leh Bairabi kawng siam mek a harsatna awm te an sawiho a. Tukin zing khan Bairabi ah heng harsatna te hi a hmuna en turin a kal a ni.